Әтнәдә игезәкләр туган

Загс бүлеге биргән мәгълүматларга караганда, узган 2014 елда районыбызда 110 бала туган, шуның 62 се - малай, 48е - кыз. Гаиләдә беренче бала булып 35, икенче булып 46, өченче булып 25 һәм дүртенче бала булып 4 бала дөньяга килгән. Шулай ук бер пар игезәкләр туганы да билгеле. Язылышучылар - 93 пар, аерылышучылар - 26. Шулай ук 225 үлем очрагы да теркәлгән. Үлүчеләрнең 104е ир-ат, 121е - хатын-кыз.

Узган ел исә барысы 137 бала туган булган, 105 пар язылышкан, 27 пар аерылышкан. Үлүчеләр саны былтыр да 225 булган.