Әтнәдә ике юл һаләкәте теркәлгән

Узган атнада ЮХИДИ хезмәткәрләре тарафыннан район юлларында ике вак юл һаләкәте теркәлгән. Штрафны вакытында түләмәгән өчен 5 машина йөртүчегә протокол төзелеп, суд карарын көтәләр. " Һава торышы бик үзгәрүчән. Шул уңайдан машина йөртүчеләрне тагын бер кат кисәтәсе килә, юлларда сак булсыннар иде. Бозлавык вакытында тиешле тизлек саклансын. Караңгы вакытта авыл эчендә йөрүчеләр киемнәрендә яктылык кайтаргыч элементлар булу кирәклеген онытмасыннар иде. Бу һәрберебезгә дә кагыла",- ди ЮХИДИ бүлеге җитәкчесе Рифат Нурмехәмәтов.