Әтнәдә «Күңел чыңы» үзенә җыйды

Районыбызда өченче аен эшләп килүче "Күңел чыңы" түгәрәгенең чираттагы утырышы узды. Очрашырга бу юлы сәбәп­ләр җитәрлек иде: түгәрәгебезнең актив иҗат итүчесе Гөлүсә Батталованың «Бер йотым бәхет» дип исемләнгән китабы чыкты. Билгеле инде бер кешене генә тыңлап утырмадык. Кызганыч, әле түгәрәккә йөрүчеләр - барыбыз да җыйнала алмадык, мәшәкатьләр табылып кына тора. Түгәрәк әнә шуларны оныттырды. Өлкән иҗатташ дустыбыз, киңәшчебез Илсур абый Шакировны тыңладык. Райлә Корбанова, Райлә Нигъмәтҗанова, Гөлүсә Галимҗанова, Фидаил Кадимов та үзләренең иҗатлары белән таныштырып үттеләр. Мөнир Шакиров сүзләренә язылган өч җырны тыңлап куандык. Киләчәккә планнар кордык… Теләгегез булса, сез дә безгә кушылыгыз!