Әтнәдә машина тәрәзәсен каралтып йөрүчеләргә “кара көннәр“ килергә мөмкин

Интернет челтәреннән алган мәгълүматларга караганда, хәзер моның өчен "права"ны алырга мөмкиннәр. Әлегә 500 сум штраф каралган. Яңа закон проектын Россия Федерациясе Дәүләт Думасында тиздән карарлар да диләр. ЮХИДИ үзе менә ниләр тәкъдим итә. "Тонировкаланган тәрәзәләр белән бер тапкыр эләгүче элеккечә 500 сум түләсен, икенче юлы очраса - 5 мең сум штраф, өченче тапкырда исә, 2 айдан 6 айга кадәр йөртүче таныклыгыннан мәхрүм итәргә кирәк", - диләр.