Әтнәдә мәктәп яны лагерьларында эш гөрли

Күңгәр мәктәбе базасында урнашкан "Дуслык" мәктәп яны лагерена барысы 42 бала йөри. Аларның 32 се ял итүче 1-5 сыйныф укучылары булса, 10 сы эш лагерена йөрүче 7-8 сыйныф укучылары. Лагерьның җитәкчесе - мәктәпнең директор урынбасары Гөлназ Сабирова.Тәрбиячеләре - Фәридә Фатыйхова, Суфия Галиева, Әлфия Шагалиева. Практикант кызлар - Лилия Шәрифуллина белән Айсылу Гарипова да биредә. Физкультурадан Рамил Әхмәтҗанов белән шөгыльләнәләр. Гүзәлия Котдусова белән Диләрә Әмирова балаларны тәмле ашлары белән сыйлыйлар. Чисталык өчен Әкълимә Хәкимуллина җаваплы. Хезмәт лагерен исә Хәмдия Галиева җитәкли. Әлеге лагерь турында тулы язма газета битләрендә урын алачак.