Әтнәдә - "Озын толым"

Комыргуҗа мәктәбенең 3-7 сыйныфта укучы кызлары "Озын толым" конкурсында ярыша. Директорның тәрбия эшләре буенча урынбасары Гөлшат Фәхриева һәм сыйныф җитәкчеләре бик кызык бәйге оештыралар. Конкурсант кызлар бәйгенең "Исемең матур, чибәр кыз" өлешендә үз исемнәрен яклап, прическа ясыйлар, җырлап-бииләр, тамашачы хозурына татар халык ризыгын тәкъдим итәләр, табышмакларга җавап эзлиләр. Нәтиҗәдә "Озын толым" конкурсында 3 сыйныф укучысы Диләрә Гарипова җиңә. Башка конкурсантлар да "Иң тырыш кыз", "Иң моңлы кыз", "Тамашачылар мәхәббәте", "Иң сөйкемле кыз" номинацияләрендә җиңү яулый.