Әтнәдә салкын һава торышы саклана

Синоптиклар салкын һәм карлы көн ышандыра.
Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген - 20 мартта, аязучан болытлы һава торышы хакимлек итә. Республикада урыны белән бераз кар явачак. Юлларда бозлавык саклана. Татарстанда уртача һава температурасы көндезге сәгатьләрдә 3-8 градус салкын булачак. Казанда - 3-5 градус салкын.

21 мартта да аязучан болытлы һава торышы саклана. Төнлә урыны белән, көндез күпчелек районнарда кар явачак. Урыны белән буран чыгу ихтималы да бар. Төнлә - 14-18, көндез 3-8 градус салкын була дип фараз кылынган.

Интертат.ру