Әтнәдә сөт күп

Татарстан авыл хуҗалыгы һәм азык-төлек министрлыгының 18 октябрьгә биргән оператив мәгълүматларына караганда, ай башына карата сөт саву барлык районнарда да кимеде. Республика буенча кимү 86 тонна ук тәшкил итә. Бу фонда Әтнәнең 600 килограмм кимлеге бик куркыныч сан түгел.

Безнең районда бу көнне 145 тонна сөт савылды. Алдагы елга карата - 121 %, ә бер баш сыерга исәпләсәк 20,4 килограмм булды. Тулай савым Арчада - 146,8 тонна, Балтачта - 175,7 тонна, Кукмарада - 179,5 тонна. Татарстанда исә 3045,9 тонна сөт савып алынды.