Әтнәдә укучылар күз уңында

Язгы каникуллар вакытында юлларда елдагыча «Весенние каникулы» профилактик чарасы дәвам итә. 31 мартка хәтле баручы чара кысаларында,ЮХИДИ хезмәткәрләре тарафыннан укучы балаларның юлда үз үзен тотышына аерым игътибар биреләчәк. Атна барышында 7 кешегә балаларын махсус утыргычсыз йөрткән өчен протокол төзелгән. 4 кеше торак пунктыннан читтә яктылык кайтаргыч элементтан башка йөргән өчен шулай ук административ җаваплылыкка тартылган. "Стоп! Твоя жизнь в опасности!" махсус операциясе кысаларында 12 укучыга статистик карточка тутырылган. Инспектор Рамил Гәрәев әйтүенчә, соңгы көннәрдә ике вак юл һәлакәте теркәлгән. Машина йөртү хокукыннан мәхрүм ителгән килеш руль артына утырып, һәлакәт китереп чыгарган өчен бер райондашыбыз административ җәзага тартылган - 3 көнгә кулга алынган.