Әтнәдә урам утлары тәртипкә китерелә

"Олы Әтнә авылындагы багана башларына куйган лампочкаларны алдырттыралар, ут шуңа юк икән ул. Экономиялиләрдер инде..."- авыл кешеләренең шулай сөйләшкәнен ишетәсездер. Җил исми яфрак селкенми.

- Район үзәгендәге урам утларын тәртипкә китерми булмады, санап чыктым, яртысында утлар янмый, кайбер баганада өчәр лампочка урнаштырылганы да бар. Менә шул янмаганнарын, бер баганада берничә булганнарын алдыртып, счетчик аша узмаганнарын бишенче үткәргеч счетчигына тоташтыру эшләре бара. Бу беррәттән халык әйткәнчә, экономияләү дә... - дип ачыклык кертте Әтнә авыл җирлеге башкарма комитеты җитәкчесе Илнур Мөхәммәтшин.