Әтнәдә “Уылдык” операциясе башланды

Бәлки ишеткәнсездер дә, 25 апрельдән 10 июньгә кадәр "Уылдык-2015" операциясе барачак. Әлеге операция үткәрүнең максаты - уылдык чәчкән чорда балыкларны тынычта тоту. "Бу вакыт эчендә балыкларны кармак белән генә тотарга ярый. Сулыкларга көймә белән керү тыела, шулай ук "блесна"- ялтыравык, селкенмә алдавыч куллану да рөхсәт ителми, "Ашыт" сакланышы исә катгый режим белән саклана, мондагы сулыкларда тәртип бозучыларга штраф күләме икеләтә арттырыла", - диләр тыюлык инспекторлары. Ә аларның күләме саллы, өч-дүрт меңнән башлана. Шулай булгач, тәртипле булыйк!