Әтнәдә юлчыларга–урак өсте

Кая карасак та кар, аяк атларга авыр, кар астында боз, юлларны чистартсалар да, мактанырлык түгел, чөнки кар явып тора. Әле бу авыл эчендә җәяүлегә шулай. Ә юл чатларында-эттерелгән кардан ясалган тау, машиналыларга зур читенлек тудыра. Ә район юллары ни хәлдә? "Безгә караган юллар чиста, техника, автобуслар йөрерлек, гел чистартып торабыз. Эш сменалап тәүлек дәвамында оештырылган. Эшлэучеләр җитмэсэ, смена дип тормыйбыз барыбыз да эшлибез. Төнге сәгать 3тә чыгып киткән 2 МТЗ, 1 грейдер төш алдыннан гына кайталар. Алардан тыш 4 КДМ ком сибә. Кичә-бүген үзебезгә караган май заводы, электр челтәре янындагы чатларны чистартабыз",- ди ОАО "Татавтодор"ның Арча филиалы Әтнә участогы җитәкчесе урынбасары Алмаз Гәрәев.