Әтнәгә дозалар кайта

Әтнә үзәк больницасының баш табиб урынбасары Гөлия Мифтахетдинова сүзләренә караганда, бүгенге көнгә район мәктәпләрендә укучы һәм балалар бакчасына йөрүче 985 балага гриппка каршы прививка ясалган. "План буенча барысы 1160 балага ясалырга тиеш", - ди ул. 15 октябрьгә тагын 175 балага кайтачак. Ә өлкәннәргә килсәк, районда ул 4050 кешегә ясалырга тиеш, шуның 2000 дозасы кайткан инде. Киләсе атнада калган 2050се дә кайтачак икән. Аңлатып үтәбез: ул привикалар быел килергә мөмкин "А", "В" вирусларына каршы. Ә аларның штаммлары ел саен үзгәреп тора.