Әтнәле династиясе – II урында

Татарстанның мәгариф һәм фән министрлыгы башкалада укучыларның иҗади һәм проект эшләре буенча төбәкара конкурс уздырды. "Россия династияләре" исемле бәйгене әле 3нче тапкыр гына үткәрделәр. Быелгысы Россия киносы елына багышланды. Биредә Олы Әтнә мәктәбенең VI сыйныф укучысы Инсаф Бадиков II урын алды. Җитәкчесе - укытучы Лилә Сәмигуллина. Иҗади эш "Чигү энәсе инде югалган, ә ул чигеп эшләгәнне кешеләргә күрсәтеп була", дип атала. Ул районның гына түгел, республиканың данлыклы династия вәкилләре Сәмигуллиннарга багышлана.