Әтнәлеләр, салымыгызны түләргә онытмагыз!

Әтнәлеләр, физик затлар мөлкәтенә, җир һәм транспорт салымы өчен, өстәмә чыгымнар тотмыйм дисәгез, 2015 елның 1 октябренә кадәр салым түләүләрен түләп өлгерергә кирәк.

- Әлегә милек салымы -73 процент, җир салымы - 83 процент, транспорт салымы 68 процент түләнгән көе. Салымнарны тиз көннәрдә түләп бетерергә кирәк. 1 октябрьгә кадәр салым түләмәүчеләргә 3 процент күләмендә пеня исәпләнә башлаячак, - ди 5 номерлы салым инспекциясенең Әтнә участогы җитәкчесе Ринат Мухамметзянов.