Әтнәләр, егылып китә күрмәгез...

Казанда гаять зур чәк-чәк пешерәләр

Аны Россия чемпионатына кадәр әзерләп өлгертергә ышандыралар.

Казанда теннис ракеткасы рәвешендә гаять зур чәк-чәк пешермәкчеләр. Шул рәвешле теннис турнирының ачылышын карарга килүче тамашачылар һәм кунакларны милли ризык белән сыйларга җыеналар. 75 нче Россия чемпионаты Татарстан башкаласындагы Теннис академиясендә 24 сентябрь - 2 октябрь көннәрендә үткәрелә. Ачылыш тантанасы 27 сентябрьгә билгеләнгән. Көч сынашырга 200дән артык теннисчы килүе көтелә. 24-25 сентябрьдә сайлап алу уеннары уздырыла, 26сы төп турнир старт ала. Керү ирекле.

Чыганак: Интертат.ру