Әтнәләр, кәҗәгә акча бирәләр

2016 елда 2 сыеры булган һәм аларны 5 башка җиткерергә планлаштырган шәхси хуҗалыкларга абзар төзү өчен 100әр мең сум акча бирәчәкләр.

3 сыеры булган һәм аларны 8 башка җиткерергә теләүче хуҗалыкларга кечкенә ферма төзү өчен 200 мең сум акча бирелә.

Юридик затлардан тана яки берне бозаулаган сыер алганда 15 мең сум бирелә. Нәсел хуҗалыгыннан алсаң - 20 мең сум.

Нәселле кәҗә алсаң бер башка 8 мең сум бирәләр.

Сыерны бер тапкыр ясалма орлыкландыру өчен 350 сум бирәләр.

3 яшьлек һәм аннан олырак бия асраучыга азык алу өчен 3 мең сум бирелә.

Бройлер чебиенә, үрдәк бәбкәләренә - 30ар, күркә чебиенә һәм каз бәбкәсенә 80шәр сум бирелә.

Шулай ук ветеринария чаралары өчен чыгымнарның бер өлеше түләнә.

Әлеге мәсьәләләр буенча авыл җирлекләренә мөрәҗәгать итәргә кирәк. "Арча хәбәрләре"