Әтнәләр Казанга уздылар

Биектау районының Шәпше авылында ике көн буе "Созвездие-Йолдызлык" фестиваленең зона ярышы узды. Биредә безнең район балалары да уңышлы чыгыш ясадылар. Беренче көнне 180 катнашучы жюри тарафыннан каралып, бәяләнеп, шуларның бары тик 90ы гына икенче турга уза алдылар, Алар арасында безнең районнан "Алчәчәк" бию коллективы, "Хыял" вокал-ансамбле, җырчылар Илназ Хөснетдинов, Исламия Мөхәмәдҗанова, Рәдис Фәйзрахманов, конферанслар Айзилә һәм Айзат Хидиятуллиннар. Икенче турдан соң, Айзилә һәм Айзат Хидиятуллиннар 1 урынга, "Хыял" ансвмбле 2 урынга, Рәдис Фәйзрахиманов 3 урынга лаек булып, Казанга Уникска уздылар.