Әтнәләрдән кәбестә салаты

Кәбестә салаты
1 кг кәбестә, 3 кишер, 2 кызыл баллы борыч, 3-4 аш кашыгы аш серкәсе, 0,5 стакан үсемлек мае, 1 аш кашыгы тоз, чирек стакан шикәр комы (азрак та ярый).
Кәбестәне турарга, кишерне эре угычтан уарга. Икесен бергә кушарга һәм согы бүленеп чыкканчы уарга. Аннан саламлап туралган баллы борычны кушарга.
Аш серкәсе, тоз, шикәр комы, майны бергә кушып кайнатып чыгарырга һәм салатка салырга. Болгатып суыткычка куярга. Бик тәмле салат килеп чыга.