Әтнәләрнең күңеле булды

« Җиңү бәйрәме уңаеннан безнең Югары Сәрдә авылында тыл ветераннары, сугыш чоры балалары өчен бик матур бәйрәм оештырдылар. Авыл советы рәисе Рәшит, колхоз рәисе Әнәс бәйрәм белән котлаганнан соң, укучылар бик матур концерт күрсәттеләр, һәйкәлгә веноклар куелды. Соңыннан өстәл әзерләп, һәркайсыбызны кунак иттеләр, күчтәнәч пакетлар тапшырдылар. Бәйрәмне оештырган һәркемгә - җитәкчеләргә, мәдәният хезмәткәрләренә, пешекче кызларга бик зур рәхмәт», - дип куанып хәбәр итте безгә авылдашлары Нурия Баязитова.