Әтнәләрне МЧС вәкиле кисәтә

МЧСның җирле җитәкчесе Илнур Гиндуллин укучы балаларның язгы каникуллары белән бәйле рәвештә кисәтү сүзләре җиткерде. "Сер түгел, балалар гөрләвекләрдә көймәчекләр йөздерергә яраталар. Ә ул гөрләвек зуррак, куркынычрак суларга коя - кыскасы, бик куркыныч. Әти-әниләр дә моны һәрдаим истә тотсыннар иде. Халыкта: "Язын ястык калынлыгы бозга да ышанма", дигән әйтем бар. Балалар бозга якын да килмәсеннәр иде. Аннан соң, кайберсе барасы җиренә басу юлыннан элдерергә ярата. Хәзер андый сукмакларга керү куркыныч. "Онытмагыз: әйләнгечтән юл якын", - ди ул.