Әтнәнең 8 егете армиягә китте

Көзге чакырылышта районыбызның 16 егете армиягә чакырылырга тиеш.

"Әтнәнең 8 егете армиягә китте. Төрлесе төрле җирдә хезмәт итәчәк, Саратовка киткәннәре дә бар, ни өчен бу частьне аерым атыйм, чөнки әти-әниләр мондагы шартларны яхшы беләләр, барып торабыз. Башка частьләрдә мөмкинлекләр шундый. 21 декабрьдә соңгы солдатны озатабыз. Исән-имин хезмәт итеп кайтырга насыйп булсын. Елдагыча дога укып озатабыз, мәчетләребездә һәр җомганы солдатларыбызның исәнлегенә дога кылына. Солдатларыбыз хезмәт иткән частьләр белән элемтәдә торабыз", - ди ТР хәрби комиссариатының Арча һәм Әтнә районнары начальнигы Алмаз Борһанов.