Әтнәнең Гөлүсәсе гел яза... һәм җиңә

Гөлүсә гел яза... һәм җиңә

"Дин вә мәгыйшәт" газетасының соңгы санында бер полоса безнең Күәм килене Гөлүсә Батталовага багышланган. Бөтенроссия әдәби бәйгесендә катнашып, гран-при иясе булды ул - "Дворянское гнездо" ресторанында махсус грамотадан тыш, сәгать, зур суммада акчалата бүләккә лаек булды. Аннан тыш, дүрт номинациядә 12 кеше бүләкләнде. "Каян килеп чыктың соң син?" - дип гаҗәпләнүләрен аңларга да була. Татарстан Диния Назәрате, Россия Ислам университеты, Язучылар союзы һәм Татарстан Президенты аппараты уздырган бу бәйгедә моңарчы "исемле шагыйрьләр" генә җиңә торган булган. Күәмдә яшәп иҗат итүче якташыбызга киләчәктә дә зурдан-зур уңышлар насыйп булсын.