Әтнәнең Иске Өҗем мәктәбе укучылары уңышы

Яр Чаллы шәһәрендә үткән "Пушкин укулары" Бөтенроссия ачык иҗат конкурсында Иске Өҗем төп мәктәбенең 7 нче сыйныф укучысы Галиева Ралинә чыгыш ясады һәм зур җиңү яулады-2 урын алды.Җитәкчесе рус теле һәм әдәбияты укытучысы Валиева Зимфира Рифат кызы.Конкурста республиканың 11 шәһәр һәм 26 районыннан 829 укучы катнашты.

Казан шәһәренең 12 нче гимназиясендә үткән Туфан Миннуллин исемендәге 3 нче республика конференциясендә Иске Өҗем төп мәктәбенең 8 нче сыйныф укучысы Вахитова Зифа чыгыш ясады һәм конференциянең лауреат дипломына лаек булды.Җитәкчесе татар теле һәм әдәбияты укытучысы Гайнуллина Алия Йосыф кызы.