Тукландыра башладык

"Әле басуга керерлек түгел", дип көткән элекке елларны хәтерлисездер. Көпчәкләре аз басымлы "Томан" агрегаты бу яктан бик уңайлы булып чыкты. Басуга да керә, бик кызу да йөри, әллә ни таптамый да. Үсемлек ул узып китүгә кабат баш калкыта. Бик отышлы яңалык булып, яхшы гына эшләп китте ул агрегат.

Күп еллар район авыл хуҗалыгы идарәсен җитәкләгән Хәмит Галимҗанов күмәк хуҗалыкларның инженер-механиклары белән булган җыелышта бик дөрес әйтте. "Кайда нинди яңалык күрсәң, шуны отып алып кулланышка кертергә кирәк".