Әтнә укучылары үзләрен сынаячак

Уку елының өченче чиреге тәмамланып килә. Укучылар һәм укытучылар өчен хәлиткеч сынау көннәре җитә. Ә аларга хәтле әле укучылар үзләрен бер кат сынап алачаклар. Әтнә мәктәпләренең чыгарылыш сыйныф укучылары өчен бу көннәр - 21 һәм 24 март. Бу көнне алар республика күләмендә узачак бердәм дәүләт имтиханнарын тапшырып караячаклар. Сынау имтиханнары рус теле һәм математикадан булачак. Тугызынчы сыйныф укучылары өчен сынау көннәре исә - 25 мартта. Алар өчен математика фәненнән сынауны район мәгариф бүлеге һәм мәгълүмати-методик үзәк хезмәткәрләре оештырачак. Таләпләр елдан ел катыланганны истә тотып, бу сынауларга җитди карарга кирәк. Ирексездән, әле ярый безнең заманда мондый хәлләр булмады дип куанып куясың.