“Уылдык” операциясе башланды

Ел да шушы вакытта елга-күлләрдәге балыкларны саклау максатыннан, "Уылдык" операциясе игълан ителә.

Быел да ул 15 апрельдә башланып, 15 июньгә кадәр дәвам итәчәк. "Бу операция барышында "Ашыт" сакланышына көймә белән кереп балык тотарга ярамый, җәтмә белән балык тоту күптәннән тыела. Бик балык тотасыгыз килсә, кармак белән генә тотарга рөхсәт ителә. Операция барышында тикшерүләр күп булачак, үзебез дә, полиция белән берлектә дә чыгачакбыз..." - дип кисәтә "Ашыт" сакланышы җитәкчесе Рамил Сабиров.