Вакытында алсаң әйбәтрәк

Узган ел районның салым инспекциясеннән 467 кеше ИНН алган. Алар арасында яңа алучылар да, әлеге документны югалтып кабаттан алучылар да бар. "ИНН вакытында алып кую комачау итми. Уйламаган очракта кирәк булуы бар", - ди салым инспекциясе Әтнә районы буенча җаваплы белгеч Зөлфия Маликова. Дөрестән дә, балалар бакчаларына акча түләгән очракта да, бала 9нчы сыйныфны тәмамлап, берәр уку йортына укырга керергә уйласа да, шулай ук төрле ярышларда катнашкан очракта да ИНН кирәк. Моннан тыш, 30 апрельгә кадәр 3 НДФЛга декларация кабул итүләр башлаенган.