Яшь инспекторлар һәрвакыт уяу

Юлларда үз-үзеңне тота белү, юл кагыйдәләрен төгәл үтәү турында сабый чактан өйрәтәләр бездә.
Мәктәп укучылары ара­сында ел саен уза тор­ган "Куркынычсызлык тәгәрмәче" - яшь юл инспекторлары бәйге­се­нең дә төп максаты - балалар катнашында юл-транспорт һәлакәтләре санын киметү, юлларда балаларның тиеш­ле таләп­ләрне үтәүләренә ире­шү. Быел да Олы Әтнә мәк­тәбендә мәктәпләрнең яшь юл инспекторлары үзара көч сынашты. Олы Әтнә, Күәм, Күңгәр, Комыргуҗа, Бәрәзә, Бәрәскә, Олы Мәңгәр мәк­тәпләреннән килгән уку­чылар велосипедта фи­гуралы йөреп күрсәт­те, юл йөрү кагыйдә­ләренә, ашыгыч ярдәм күр­сәтүгә кагылышлы со­рауларга җавап бирде­ләр, агитбригадалар бе­лән чыгыш ясадылар.
Әлеге чарада Биектау һәм Әтнә районнары буенча куратор Алсу Сафиуллина, Әтнә Эчке эшләр бүлегенең ЮХИДИ бү­лекчәсе инспекторы Ра­мил Гәрәев катнашты. Уку­чылар каршында рай­­он мәгариф бүлеге җи­тәкчесе Сәид Әхмә­дул­лин чыгыш ясап, уку­чыларга бәйгедә уңыш­­ларга ирешүләрен те­­ләп узды. Мәктәптән тыш эшләр үзәге укыту­чылары тырышлыгы бе­лән оештырылган бәй­гегә һәр команда зур әзерлек һәм беренче урынны яулау теләге бе­лән килгән иде. Шуңа да карамастан, Комыргу­җа, Олы Әтнә, Күңгәр ко­мандалары ты­рышлык­лары, җиңүгә зур омтылышлары бе­лән аерылып торды. Агит­бригадалар арасында Күңгәр командасына җитүчеләр булмады. Чын-чынлап, күңел биреп әзерләнүләре күренеп тора. Мәктәпнең физ­культура укытучысы Рафил Сибгатуллин гына түгел, сыйныф җитәкчеләре Суфия Галиева да көч биреп торды аларга.
Бәйге нәтиҗәләре бу­ен­ча Олы Әтнә мәктәбе командасы беренче урынга лаек булды. Икенче урында - Комыр­гуҗа, өченче урында Күңгәр командалары. Калган мәктәп командалары аннан соңгы урыннарны үзара бүлеште. Җиңүче команда 21-23 май көннәрендә Чаллы шә­һәрендә узачак финал яры­шында катнашачак.
Катнашучыларның һәр­кайсына бүләкләр тап­шырылды. Бу исә ки­ләсе елларда да бәйгедә кат­нашып, уңышларга ире­шүгә стимул булып тора.
Автор фотосында җиңүче Олы Әтнә командасы.