8 марттан соң Татарстанда Covid-чикләүләрен гамәлдән чыгару хәл ителәчәк

Коронавирус чикләүләрен йомшарту карарын март бәйрәменнән соң кабул итәчәкләр.

Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең (Роспотребнадзор) Татарстан буенча идарәсе җитәкчесе — республиканың баш санитар табибы Марина Патяшина сүзләренчә, язгы бәйрәм вакытында чикләүләрне йомшарту эпидемиологик вазгыятькә тискәре йогынты ясарга мөмкин.

 «Яңа карар республика гадәти эш режимына кайткач кабул ителәчәк», — дип вәгъдә итте Татарстан баш санитар табибы.

Чыганак: https://tatar-inform.tatar/news/health/01-03-2021/8-marttan-so-tatarstanda-covid-chikl-l-ren-gam-ld-n-chygaru-h-l-itel-ch-k-5809766