Россиялеләр яман шештән вакцинаны кайчан ала башлаячак? Препарат турында нәрсә билгеле?

Бу хакта "РИА Новости" га Гамалей исемендәге үзәк директоры Александр Гинцбург хәбәр иткән. Аның сүзләренчә, препаратны эксперименталь режимда кертәчәкләр, ә дару үзе неоантигеннар нигезендә булдырылган. Сүз бөтен җирдә куллану турында бармый, ә аны тире рагы белән авыручылар алачак. Россия Сәламәтлек саклау министрлыгына тәкъдим ителгән план буенча, үзәк клиник тикшеренү кысаларында даруны сентябрьдә кертә башларга тиеш, дип хәбәр иткән Александр Гинцбург.

«Медси» онкология кластеры җитәкчесе Анатолий Махсон фикеренчә, ахыргы препарат универсаль булмаячак, ә массакүләм кулланышка әле тиз генә чыгарылмаячак. Онкология вакцинасының максаты — иммун системасы шешне күрә башласын өчен эшләү. Проблема шунда ки, анда геннар составындагы аерма бик аз. Шеш үзе алына, аннан билгеле булырга тиешле ниндидер геннар бүленеп чыга, һәм менә бу күзәнәкләр нигезендә яки РНК ярдәмендә препарат барлыкка килә. Бары тик сизелерлек күзәнәкләр ярдәмендә генә шешне этеп чыгара торган үз иммунитеты барлыкка килә башлый. Ә очраклар һәрвакыт төрле булганлыктан, яман шешнең барлык төрләренә дә бер вакцина була алмый.

Күрәсең, вакцина эшләнгән, хайваннарда кулланылган, аның куркынычсызлыгы берничә этаптан торган клиник тикшеренүләр аша үткәрелгән, инде хәзер кулланырга рөхсәт ителгән. Хәзер авырулар төркеме җыела, алар 200-300 кеше булырга тиеш. Болар барысы да шактый катлаулы процесс, ул берничә айга сузылачак. Чөнки беркетмәләрдә "исән калу медианасы"дигән төшенчә бар. Бу беркетмәләрнең барысы да бик озакка сузылачак".

Элегрәк Россия Сәламәтлек саклау министрлыгының баш онкологы Андрей Каприн «ЭнтероМикс»онковакцинасының клиник тикшеренүләре башлануы турында хәбәр иткән иде. Беренче стадия сынауларында 48 кеше катнашачак. Элегрәк белгеч киләчәктә пациентлар бу препараттан бушлай файдалана алачак, дип белдергән иде. Мондый вакциналарның коммерцияле продукт булуы икеле, ә аларны эшләү дәүләткә миллионнарча сумга төшәргә мөмкин, дип билгеләде RNC Pharma үсеше буенча директор Николай Беспалов.

 Ләкин яман шешкә каршы вакцина астында еш кына билгеле бер шешләргә турыдан-туры иммун җавап китереп чыгаручы препарат аңлатыла. Мондый препаратлар персоналаштырылган препаратлар булып тора, ягъни аларны конкрет пациент өчен булдыралар. Нигездә бу медицина технологиясе, ул билгеле бер манипуляцияләр үткәрергә мөмкинлек бирә. Шул рәвешле сүз югары технологияле медицина хезмәтләре һәм ярдәм турында бара. 95% очракта, мөгаен, мондый вариантлар бюджет акчалары хисабына кулланылачак.

Бу препарат киләсе елда яки берничә елдан соң пәйда булыр дип көтәргә кирәкми, әлбәттә. Бу технология, беренчедән, эшкәртелә, икенчедән, финанслау белән бәйле бик күп сораулар бар.
Асылда, бу йөзләрчә миллион сум һәм 1 млрд сумнан артып китәргә мөмкин суммалар. 

Сәламәтлек саклау министрлыгы мәгълүматлары буенча, узган ел дәвамында россиялеләрдә 700 меңгә якын онкологик авыру ачыкланган, бу 2023 елга караганда 24 мең очракка күбрәк.

Шәһри Казан