Рөстәм Миңнеханов: Татарстанда ковидтан вакцинация нәтиҗәсен ике айдан күрәчәкләр

Татарстанда коронавирус инфекциясеннән күмәк вакцинация ике айдан нәтиҗә бирәчәк. Бу турыда Татарстан Президенты Рөстәм Миңнеханов хәбәр итте.

«Киңкүләмле вакцинация программасы эшли башлады. Хәзер аны актив башлыйбыз һәм ике айдан нәтиҗәсе булачак. Ә 3-4 айдан вазгыятьнең шактый яхшыруын күрәчәкбез. Чит ил партнерларыбыз да шундый ук эш алып барыр дип өметләнәм», — диде Миңнеханов Татарстан Инвестицион үсеш агентлыгы коллегиясендә.

Татарстан Президенты сүзләренчә, республикада эпидемиологик вазгыять яхшыра, клиникаларда буш урыннар була башлады. Шул ук вакытта бизнес чикләү шартларында эшләргә өйрәнде.

«Без шундый шартларда эшләргә өйрәндек», — диде республика җитәкчесе.

Чыганак: https://tatar-inform.tatar/news/official/27-01-2021/r-st-m-mi-nehanov-tatarstanda-kovidtan-vaktsinatsiya-n-ti-sen-ike-aydan-k-r-ch-kl-r-5802090