Әтнә табибы Лилия Хәйруллинадан киңәш

Үсемлек продуктлары безнең сәламәтлеккә һичшиксез файда китерә. Ләкин, статистика мәгълүматлары буенча, россиялеләрнең 80% ы яңа яшелчәләрне ашап бетерми.

Яшелчә һәм җиләк-җимешләрдә бик күп витаминнар, минераллар һәм антиоксидантлар бар, алар иммунитетны сакларга ярдәм итә, төрле авырулар үсеше куркынычын киметә һәм организмның гомуми ныгуына ярдәм итә. Моннан тыш, алар ашкайнату системасының нормаль эшләве өчен кирәкле клетчатканың мөһим чыганагы булып тора.

Өлкәннәргә көненә уртача 400 грамм яшелчә һәм җиләк-җимеш кулланырга киңәш ителә, бу якынча биш порция. Бер порция үз эченә бер уртача җимешне (мәсәлән, алма яки банан), бер чынаяк чи яшелчәләрне(мәсәлән, салат) яки җиләкләрне ала. Сезгә нинди җиләк-җимеш һәм яшелчәләр ашарга мөмкин икәнен, дәвалаучы табиб белән киңәшләшеп сөйләшә аласыз.

Табиб – Лилия Хәйруллина