Больница эшчәнлегенә нәтиҗә ясалды

 Медицина советында ТР сәламәтлек саклау министры урынбасары Фәридә Яркаева, Әтнә районы башлыгы Рөстәм Хисамиев, Төбәкара клиник-диагностика үзәге вәкиле табиб - хирург Ринат Гыйлаев, Әтнә үзәк больницасы баш табибы Сергей Ибраһимов һәм хастаханә хезмәткәрләре катнаштылар. Үз чыгышында  баш табиб узган елны больницада системалы үзгәртеп корулар, кадрларны яңарту һәм цифрлы чишелешләрне гамәлгә кертү елы булуын ассызыклады Һәр блок турында җентекләп сөйләде.

Соңгы 5 елда туучылар саны ике тапкырга кимегән. Үлүчеләр санының күп булуы халыкның картаюы белән бәйле. Хезмәткә сәләтле халыкның үлү очраклары 2 мәртәбә диярлек кимегән.

Өлкәннәр һәм балалар арасындагы барлык профилактик чаралар 100% ка һәм аннан да күбрәккә үтәлгән.
Репродуктив сәламәтлек буенча эшне аеруча билгеләп үтәсе килә. Диспансеризация кысаларында 4985 кеше тикшерү узган.
Табиблар белән тәэмин ителеш 85% тәшкил итә. Өстенлекле вакансияләр-участок табиб-терапевты, табиб-онколог, табиб-эндокринолог, табиб-офтальмолог. 2025 елда максатчан укыту буенча 5 яңа табиб, 12 урта звено белгече җәлеп ителгән. Хезмәт хакы елдан-ел арта. Узган елда табибка кабул итүгә электрон язылу үсеш алган, шул исәптән MAX мессенджеры аша. Алдагы ел белән чагыштырганда бетерелгән язмалар саны ике тапкырга арткан. Кышлау авылында яңа модульле ФАП ачылды.
Больница да проблемалар да бар. 2026 елга 5 төп бурыч: Гомуми үлүчеләр санын норматив дәрәҗәгә кадәр киметү