Соңгы хәбәрләр
Буран һәм көчле җил сәбәпле, Татарстанда шторм кисәтүе игълан ителде
Якындагы көннәрдә республикада күп кар явуы һәм буран фаразлануы сәбәпле, Татарстанда шторм кисәтүе игълан ителде. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.
Сишәмбе 20.00 сәгатьтән чәршәмбе 11.00 сәгатькә кадәр җилнең тизлеге секундына 25-27 метр фаразлана, дип билгеләп үтте синоптиклар.
Моннан тыш, Татарстанда көчле җил, күз күреме 500 метр һәм аннан да азрак булырга мөмкин, кар күп явачак. Юлларда кар көртләре фаразлана.
«Татар-информ» хәбәр иткәнчә, Татарстан ЮХИДИ йөртүчеләрне һава торышы начарлануы турында кисәтте.
Следите за самым важным и интересным в Telegram-каналеТатмедиа
Нет комментариев