Ике җиңел машина катнашындагы авариядә 16 яшьлек кыз зыян күргән

Шәһәр Дәүләт автоинспекциясе мәгълүматлары буенча, юл һәлакәте кичә кичке җиденче яртылар тирәсендә Глушко урамындагы 24нче йорт каршында булган. Башлангыч фаразлар буенча, Марий Эл Республикасы номерлары куелган «Лада»ның 19 яшьлек йөртүчесе борылышта 40 яшьлек хатын-кыз идарә иткән Skoda автомобиленә юл бирмәгән.

«Нәтиҗәдә, чит ил автомобиленең пассажиры — 16 яшьлек кыз төрле тән җәрәхәтләре алган. Ашыгыч ярдәм табиблары аны хастаханәгә алып киткән. Медицина ярдәме күрсәткәннән соң кызны өенә кайтарып җибәргәннәр», - дип ачыклык керттеләр Казанның ЮХИДИ идарәсендә.

 Чыганак: https://tatar-inform.tatar/news/incident/03-06-2021/kazanda-ike-i-el-mashina-katnashyndagy-avariyad-16-yashlek-kyz-zyyan-k-rg-n-5825597