Калорияне исәпли беләсезме?

Моның өчен иң элек кешегә кирәкле көнлек калорияне исәпләргә кирәк. Еш кына бу сан индивидуаль исәпләнә, яшь, үсеш, авырлык һәм физик активлык дәрәҗәсен исәпкә алып исәпләнәлә. Моның өчен табибка килергә кирәк. Тикшеренү кирәкле калорияне, шулай ук май, сөяк, мускул тукымасының нисбәтен һәм организмдагы су күләмен күрсәтәчәк, бу оптималь диета төзү өчен дә мөһим.

Продуктларның туклыклы һәм энергия кыйммәтен исәпкә алу мөһим: болар протеиннар, майлар, углеводлар катнашмасы. Сөт продуктларыннан, табигый иттән, бөртеклеләрдән калория алу бер нәрсә. Ә менә фастфуд, ЧИПС һәм колбасадан калорий алу бөтенләй икенче әйбер.. Аларда аксымнар, майлар һәм углеводлар нисбәте дөрес түгел, ә тагын бик күп зарарлы өстәлгән трансмайлар, тоз һәм шикәр бар. Мондый ризыклар организм өчен файдалы түгел.

Эчемлекләрдәге сыек калорияләрне онытмыйбыз. Мәсәлән, 300 мл сөтле кофеда 170 ккал бар.

Туклану гадәти кәгазь битенә язып барырга, махсус мобиль кушымта да кулланырга мөмкин. Кушымталар уңайлы, чөнки анда калорияле продуктлар исемлеге бар.

 Продуктларны үлчәгез һәм моны дөрес эшләгез. Ашарга әзер продуктларны гына үлчәгез. Әгәр дә җимешне чистартсагыз, кабыксыз үлчәгез. Әгәр дә ботка пешерсәгез, ярманы түгел, ә әзер ризыкны үлчәгез.

Калорияне санау тырышлык һәм тәртип таләп итә, ләкин нәтиҗәсе моңа лаек. Тора-бара сез продуктларның калориялелеген "күз" белән билгеләргә өйрәнерсез. Ләкин иң яхшысы, рацион дөресрәк якка үзгәрә башлый, сез аңлы рәвештә ашый башлыйсыз, гомуми туклану йортларына азрак йөрисез. Димәк, нәтиҗә дә үзен озак көттермәячәк  Хәлегез яхшырачак һәм сез әлеге процесстан рәхәтлек алачаксыз.