«Ленин» күмәк хуҗалыгы Илгиз Хәйруллин Татарстан бүләгенә лаек булды

Ул “Казан Экспо” Халыкара күргәзмәләр үзәгендә үтте. 
Тантанада Татарстан Рәисе Рөстәм Миңнеханов, Татарстан Премьер-министры Алексей Песошин, Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, тармак алдынгылары һәм ветераннары катнашты. 
Татарстан Республикасы Рәисе Рөстәм Миңнеханов котлау сүзе белән чыгыш ясап: «Авыл халкының көндәлек хезмәте аша, без үзебездә җитештерелгән көндәлек азык-төлек белән тулысынча тәэмин ителдек», – дип билгеләде.
Аннары ул агросәнәгать комплексын үстерүгә керткән аерым өлешләре һәм күпьеллык нәтиҗәле хезмәтләре өчен Россия һәм Татарстан дәүләт бүләкләрен тапшырды.
Ә безнең өчен иң шатлык­лысы – Ленин исемендәге җитештерүче авыл хуҗалыгы кооперативы нәсел заводы рәисе Илгиз Хәйруллин күпьеллык намуслы хезмәте һәм республиканың агросәнәгать комплексын үстерүгә керткән өлеше өчен “Татарстан Республикасы алдындагы казанышлары өчен” ордены белән бүләкләнде.