Тәмәке тартуны ничек ташларга?

Табиб-психиатр-нарколог Сафина Гөлина Габделхәмитовна әлеге сорауларга җавапларын әйтте..

- Еш кына күпләр: "Мин тәмәке тартуны җиңә алырмынмы?" – дип куоркалар.
- Бу сорау еш бирелә торган. Шуны аңларга кирәк, авырлык белән көрәшүнең төрле ысуллары бар: махсус пластырьлар яки сагыз кулланырга, психологка барырга яки якыннарыңнан ярдәм сорарга мөмкин.

- Тәмәке тартудан баш тартканнан соң, кешенең авырлыгы артмыймы?
- Кайбер кешеләр тәмәке тартуны ташлагач, авырлыгын арттыра. Әгәр дә сәламәт туклану алып барсаң һәм актив булсаң, бу куркыныч минималь.

- Күпләр көндәлек стрессларны тәмәке ярдәмендә хәл итәргә тырыша.

- Тәмәке тарту еш кына тынычлану һәм киеренкелекне киметү ысулы буларак кабул ителә. Кешеләр бу гадәттән башка аларга көндәлек ыгы-зыгыны хәл итү катлаулырак булыр дип борчыла. Тәмәкесез стрессны җиңеп чыгу бик мөмкин! Медитацияләгез, тирән сулыш алыгыз, физик активлык белән шөгыльләнегез — болар барысы да тынычланырга ярдәм итә. Ял итәргә онытмагыз: укыгыз, музыка тыңлагыз, йөрегез. Якыннарыгыз белән аралашыгыз, кызыклы хоббилар табыгыз. Авыр булса, белгечкә мөрәҗәгать итегез. Көнегезне ял итәргә вакыт калсын дип планлаштырыгыз һәм җитәрлек йоклыйсыз.

- Җавапларыгыз өчен рәхмәт!