Әтнә театры Абакан шәһәренә юл алды

Әтнә театры Хакасия башкаласы Абакан шәһәренә Милли театрлар фестиваленә юл тотты.

Биредә коллектив Мостай Кәрим әсәре буенча сәхнәләштергән "Ай тотылган төндә" спектаклен куячак.

 23 июньнән 29 июньгә кпдәр  Абаканда (Хакасия) Россия Федерациясе Мәдәният министрлыгы ярдәмендә II Бөтенроссия милли театрлар фестивале узачак, анда Татарстан, Алтай, Калмыкия, Карелия һәм Чувашия иҗат коллективлары катнаша.

Бу хакта Хакасия мәдәният министры матбугат хезмәте хәбәр итә. Җиде көн дәвамында тамашачылар милли театрларның оригиналь куелышларын күрә алачак, ә иҗади коллективлар актерлар өчен мастер-классларны, белгечләр өчен лекцияләрне һәм әйдәп баручы театр тәнкыйтьчеләре белән фикер алышуны үз эченә алган тыгыз профессиональ программа көтә. Барлыгы киң тамашачыга да, профессиональ аудиториягә дә йөз тоткан 30дан артык чара планлаштырылган. Масштаблы фестивальдә 200дән артык катнашучы катнаша, алар арасында милли театрлар вәкилләре, мәдәният учреждениеләре җитәкчеләре, театр тәнкыйтьчеләре һәм сәнгать белгечләре бар. Милли театрларның беренче фестивале 2024 елда Калмыкия Республикасында узды.