Әтнә театрында–премьера

Театраль сезонны Борис Васильевнең “А зори здесь тихие...” әсәре буенча сәхнәләштергән “Сызылып таңнар аткан чакта...” спектакле белән ябарга җыена. 
Спектакльнең режиссеры – Рамил Фазлыев. Инсценировка һәм әдәби тәрҗемә авторы  – Илтөзәр Мөхәммәтгалиев. 24 июнь көнне “Зур гастрольләр” федераль программасы кысаларында коллектив Красноярск крае Шарыпово шәһәренә гастрольгә китә. Биредә коллектив Шарыпово тамашачысына Александр Вампиловның “Әтинең өлкән улы” (12+), Ярослава Пулиновичның “Наташаның хыялы”  (16+) спектакльләрен тәкъдим итәчәкләр. Ә нәни тамашачыларга Гөлназ Минкина әсәре буенча сәхнәләштергән “ШҮРӘЛЕ-TRIP” (6+) спектаклен куячаклар. Шулай ук коллектив Шарыпово шәһәрендәге татар диаспорасы белән дә очрашырга җыена.