Чәйгә бик тәмле, җайлы кабымлык рецепты

Кирәк булачак: 1 пачка кибет эремчеге, 1 зур пакет сметана, 2 йомырка, 1 пачка ванилин (салмасаң да ярый), шикәр комы. һәм тарталеткалар.

Бизәү өчен: җаныгыз теләгән җиләк-җимеш

Шушы ингредиентларны миксер яки блендер белән яхшылап болгатабыз. Әзер массаны тарталеткаларга салып чыгабыз һәм өстенә яраткан җиләк-җимешен куеп бизибез. Кайнар духовкада 20 минутка куеп пешерәбез.

Вуаля, чәебезгә бик тәмле һәм иң мөһиме җиңел, күп вакытны алмый торган рецепт бу.

Тәмле булсын!

Хезмәт