Гөлназ Зиннәтуллинадан бик тәмле самса рецепты

Камырга:

600 грамм он
200 грамм су
2 йомырка, берсе камырга, икенчесе самсаны майлау өчен
50 грамм сыер мае
1 аш кашыгы тулыр- тулмас тоз

Кунжут самса өстенә сибү өчен

Эчлеге:

500 грамм ваклап туралган ит
300 грамм суган
Тәменчә тоз, борыч, зира

Әзерләү: камырны башта кашык белән генә болгатабыз, бераз куергач кул белән 15 минут тирәсе тыгыз итеп басабыз һәм 1 сәгатькә пакетка салып суыткычка куябыз.

Аннары камырны алып җәябез, өстенә сыер мае сөртәбез, рулон шикелле төрәбез, улитка сымак борып пакетка салып, тагын 1 сәгатькә суыткычка куябыз. Ул арада эчлекне әзерлибез.

Камырны алып, рулон хәленә кайтарабыз, өлешләргә бүлеп, (катлы камыр була) өчпочмаклап самса ясыйбыз. Бөкләгән ягын аска каратып, табага пергамент кәгазь өстенә тезәбез.

Өстен йомырка белән майлыйбыз, кунжут орлыгы сибәбез дә, духовкада пешерәбез. Тәмле булсын!

Хезмәт