Хуш исле колмак ипие

350 мл.(бер зур бокал) җылы суга 1 аш калагы колмак башы, камыр куерак булырлык итеп он салып кичтән баш ясап куйдым.

Иртән 350 мл.җылы су, ярты аш калагы колмак башы, тоз, ике аш калагы үсемлек мае, он салып камыр бастым.

Көнбагыш, ике аш калагы кабак, җитен, кунжут орлыклары кушылмасы куштым.

Камырны кабарттым, кабаргач әвәләдем дә, майланган табага (мин таба ипие яратам) салып тагын кабарырга куйдым. Кабарып менгәч, духовкада пешереп алдым.

Гөлнур Гарипова

Хезмәт