Самолетта тәмәке тарткан пассажир аркасында Казан аэропортына очкыч мәҗбүри төшеп утырган

(Казан, 26 апрель, “Татар-информ”). Мәскәү- Чиләбе рейсында бортта тәмәке тарткан пассажир аркасында самолет мәҗбүри рәвештә Казан аэропортына төшеп утырган. Бу хакта “ RT на русском” хәбәр итә.

Пилот, 33 яшьлек Чиләбе кешесенең очыш вакытында тәмәке тартуын әйтеп, транспорт полициясе хезмәткәрләренә мөрәҗәгать иткән.

Агентлык мәгълүматлары буенча, ир-атны рейстан алып, полиция бүлегенә китергәннәр. Аңа карата аерым урыннарда тәмәке тарту тыелу турындагы федераль закон маддәсе нигезендә протокол төзелгән.