Этеңне теркәдеңме инде?

Бүгенге көндә барысы 473 эт теркәлеп, мәгълүматлары тиешле системага кертелгән. Эшнең барышы, җаваплылык турында район ветеринария берләшмәсенең ветеринар табиб-эпизотолог Сәлих Шаһиевтан сораштык.
– Өч айдан өлкәнрәк булган барлык этләр теркәлергә тиеш. Әгәр шәхси хуҗалыкта яңа эт барлыкка килсә, аны да 1 ай эчендә исәпкә кую сорала. 
– Әгәр этне берникадәр вакытка гына алып кайтсалар?
– Әгәр дә эт хужалыкта вакытлыча, ягъни 30 көн тирәсе генә торса, теркәү мәҗбүри түгел. 
– Гомумән, этне теркәү ни өчен кирәк?
– Әлеге гамәл киләчәктә урамда йөргән этләрнең хуҗасын табарга ярдәм итәчәк. 
– Белгечләр фикеренчә, этләрнең арту ягъни мәсәлән күбәюнең берәр чоры бармы?
– Сукбай этләрнең күпчелеге көзен, кешеләрнең дачалардан фатирларына күченгән вакытта арта. Идентификация ярдәмендә без шундый этләрнең хуҗаларын таба алачакбыз. Чипта шулай ук этнен туу вакыты, токымы, прививкалары турындагы мәгълүмат та булачак.
– Әгәр эт теркәлмәгән булса? 
– Эт теркәлмәгән бул­са, аның хуҗа­сына беренче тапкыр кисәтү ясалачак. Икенче тапкырында 2 меңнән алып 4 меңгә кадәр штраф түләргә туры киләчәк. 
Әгәр эт ел дәвамында тер­кәлмәсә штраф бәясе 5 мең сумны тәшкил итәчәк. 
Ә менә теркәлмәгән эт тешләсә, эш зурга китәргә ихтимал. Шуңа күрә кеше сәламәтлеге турында да уйларга кирәк.