Әтнәдә ашыгалар, кагыйдә бозалар

Юл йөрү кагыйдәсен бозу­чылар арасында һәрвакыттагыча иң күп очрак – саклану каешын такмый йөрү­челәр. Шушы аралыкта барысы 16 машина йөртүче җавапка тартылган. Ике машина йөртүчегә балаларын махсус утыргычка утыртмаганнары, өч җәяүлегә тиешле урыннан юл аркылы чыкмаганнары өчен протоколлар төзелгән. Моннан тыш, бер машина йөртүче штрафын вакытында түләмәгән. Бер машина йөртүчегә, алдагы транспортны узарга теләп, тиеш булмаган урында каршы як хәрәкәт полосасына чыккан өчен протоколтөзелгән. 
Кагыйдә бозучылар арасында машинадагы тони­ров­касы тиешле дәрә­җәдә булмаган ике машина йөртүче дә бар.
– Яз аена да керәбез. Һава торышы гел үзгәреп тора. Иртән һәм кичен суытып җибәрү сәбәпле, юлларда бозлавык. Шуңа күрә дә һәркем игътибарлы булса иде. Юл йөрү кагыйдәләрен төгәл үтәргә тырышыйк, – дип кисәтәләр юл иминлеге инс­пекторлары.