Әтнәдә соңгы атнада 26 юл йөрү кагыйдәләрен бозу очрагы теркәлгән

Эчке эшләр бүлегенең ЮХИДИ җитәкчесе Айнур Ямалиев хәбәр итүенчә, 22-29 май көннәрендә районыбыз юлларында 26 юл йөрү кагыйдәләрен бозу очрагы теркәлгән.
Кисәтүләргә карамастан, куркынычсызлык каешы такмыйча йөрүчеләр кимеми. Шундый 8 транспорт йөртүче тоткарланган. Тагын да куркынычрагы – моннан тыш 3 очракта балаларны махсус утыргычсыз йөртүчеләр ачык­ланган. Моннан тыш, алда барган транспортны тиешсез урында узган өчен 7 йөртүче җаваплылыкка тартылган. Моның өчен дә катгый җаваплылык каралган. Аларның һәрберсе 5әр мең сум күләмендә штраф түләячәк. Шул ук вакытта 3 җәяүле тиеш булмаган җирдә транспорт юлын аркылы чыккан. 

Юлларда игътибарлы булыгыз.