Барыбер эләктергәннәр

"Ключи Сап авылында Лада Приора автомашинасы ЮХИДИ хезмәткәренең туктарга кушкан законлы таләбен үтәми һәм качарга тырыша. Эзәрлекләү юлы белән әлеге машина йөртүчесен тоткарлыйлар. Йөртүче алкоголь эчемлекләр кулланган булуда шикләнелә, шул ук вакытта алкотектердан һәм медицина тикшеруеннән баш тарта. Әлеге машина йөртүчегә протокол төзелә һәм машинасы штраф стоянкага җибәрелә. Материал алга таба тикшерү өчен судка җибәрелә", - дип хәбәр итте ЮХИДИ бүлекчәсе җитәкчесе Айнур Ямалиев.