Игътибар үзәгендә – каеш

Бу чорда техника йөртүчеләрнең генә түгел, пассажирларның, аеруча балаларның куркынычсызлык каешы белән бәйле кагыйдәләрне төгәл үтәве күз уңында булачак.

Исегезгә төшерәбез, куркынычсызлык каешын тагып йөрү бәладән дә саклап калырга мөмкин.

Кызганычка каршы, район юлларында шушы сәбәпләр нәтиҗәсендә административ җаваплылыкка тартылучылар саны кимеми. ЮХИДИ инспекторлары тарафыннан әлеге кагыйдәне бозучылар гел тоткарланып тора.

Матур язларга кердек. Һәркемнең әлеге гүзәллекнең рәхәтен татырга хакы бар. Шуңа күрә дә район юлларында, гомумән руль артына утыргач игътибарлы, җаваплы булсак иде. Статистик мәгълүматларга күз салсак, юл һәлакәтенең күбесенә ашыгулар сәбәпче.